Noon pa man ay nasasangkot na ang pamilya nina Nora Aunor sa mga kontrobersiya dala ng kanilang mga family quarrels.

Hindi naman lingid sa kaalaman ng publiko na may love-hate relationship si Nora Aunor sa kanyang mga anak na sina Lotlot, Ian, Matet, Kiko at Kenneth.

Matatandaan na naging malaking usapin sa social media ang pagtatampo ni Matet kay Nora Aunor dahil sa pakikipagkumpitensya ng ina sa kanyang gourmet business.

Inilabas ni Matet na labis siyang nasaktan sa ginawang ito ni Ate Guy dahil sa ibang tao pa umano niya nalaman na tinatraydor na pala siya ng kanyang kinikilalang ina.

Ayon kay Matet, tila pinaramdam umano ni Nora Aunor sa kanya ang kanyang pagiging isang ampon dahil ginawang ito ng kinikilalang ina.

Nagkaroon din ng misunderstanding sina Matet at Ian noong panahong iyon dahil tila kinampihan umano ni Ian ang kanyang ina at pinagsabihan si Matet na pabayaan na lamang ito sa pakikipagkompetisyon sa kanyang negosyo.

Sinabihan pa ni Ian noon si Matet na maging reseller na lamang sa negosyo ng kanilang ina para hindi na sila magiging magkakompetensya

Sa kabilang banda, tila may nagaganap rin tampuhan sa pagitan nina Lotlot de Leon at Nora Aunor. Hindi kasi nakikita si Lotlot sa kanilang mga family gatherings at tila dumidistansya kay Nora Aunor.

Dahil dito, may mga bumatikos kay Lotlot at sinasabing matigas umano ang kanyang puso dahil hindi natitiis niya ang inang nag-ampon sa kanya.

Kaya naman labis na nagulat si Nora Aunor sa ginawa ng kanyang mga anak sa mismong 70th birthday niya.

Bagama’t may hindi pagkakasunduan at may tampuhan ang ilan sa kanila, pinili pa rin nilang magsama-sama upang makasama sa espesyal na araw ang kanilang ina na si Nora Aunor.

Makikita sa mga ibinahaging larawan na kumpleto ang lahat ng mga anak ni Nora Aunor sa advance 70th birthday celebration niya na naganap sa Seda Vertis, North sa Quezon City.

Naroon din ang pamilya ng kanyang mga anak kaya labis na nagagalak si Nora Aunor.

Unang dumating sa venue si Matet De Leon at kapansin-pansin ang hindi pag-iwan niya kay Nora Aunor. Marami rin ang nakapuna na parang nalimutan na nito ang tampuhang nangyari sa kanila noong nagdaang taon.

Kapansin-pansin din umano ang pagiging close ng magkapatid habang nasa tabi ni Nora Aunor para sa picture taking.

Matatandaan na huling nagkasama-sama ng kumpleto ang mga magkakapatid nang maospital si Ate Guy.

Isang video compilation rin ang kanilang hinanda para sa ina kung saan makikita ang pinagsama-sama nilang mga larawan noon sila ay mga bata pa lamang hanggang sa nakakabuo na sila ng sari-sariling pamilya.

May ipinahayag din sweet message si Ian para kay Nora Aunor.

“Mommy, happy, happy birthday po. Mahal na mahal ka namin!Sobra, sobra kahit anong mangyari sa mundo. Kahit maging square ang mundo nandito pa rin kami para sa inyo ma.”

Makikita naman sa mga kumakalat na larawan ang labis na tuwa ni Nora Aunor at very grateful siya dahil sa oras na ibinigay ng kanyang mga anak sa kanyang birthday.

News