Hindi lahat ng kwento ng pag-ibig ay nagtatapos sa “happy ending.” Sa dalawang magkasunod na kasong yumanig sa Indonesia, dalawang babaeng nurse ang nagtiwala, nagmahal, at sa huli ay nasawi sa kamay mismo ng mga lalaking kanilang minahal. Ang mga kwento nina Ernie Yunati at Gabriela “Gaby” Melani ay nagsilbing paalala kung paanong ang maling tao ay kayang sirain ang isang pusong puno ng kabutihan.

Ang Kwento ni Ernie Yunati: Ang Nurse na Niloko at Pinatay ng Isang Pulis

Si Ernie Yunati, 37 taong gulang mula sa Jambi, Indonesia, ay isang babaeng puno ng pangarap. Hindi siya pinigilan ng kahirapan — nagsikap siya, nagtrabaho sa iba’t ibang trabaho, at sa kabila ng edad, ipinagpatuloy ang kanyang pangarap na maging nurse. Noong 2014, natapos niya ang kurso at kalaunan ay naging lecturer sa isang institusyon sa kalusugan. Kilala si Ernie bilang masipag, maalaga, at respetado ng kanyang mga estudyante.

Ngunit noong 2020, nakilala niya si Waldi Aldiat, isang 25-anyos na pulis. Sa kabila ng malaking agwat ng edad, nahulog ang loob ni Ernie sa binata. Noong una, tila maayos ang kanilang relasyon. Mapagmahal si Waldi — ngunit kalaunan, nagsimulang humingi ito ng pera, mga mamahaling gamit, at iba pang luho. Dahil sa pagmamahal, ibinibigay ni Ernie ang lahat.

Makalipas ang dalawang taon, natuklasan ni Ernie ang katotohanan — may iba pa palang babae si Waldi. Niloko siya ng taong pinagkatiwalaan niya. Sinubukan ng pulis na humingi ng tawad, ngunit tinanggihan siya ng nurse. Hindi pa rin sumuko si Waldi. Araw-araw niya itong sinusuyo, hindi dahil sa pag-ibig, kundi dahil siya ang naging “banko” ng lalaki.

Nang maubos ang pera ni Waldi, bumalik ito kay Ernie. Sa kabila ng lahat, pinatawad pa rin siya ng babae. Pero nang mapansin ni Ernie na tila may tinatago ang pulis — ayaw magpa-picture, ayaw magpakita sa publiko, at laging hinihiling na mag-date sila sa malalayong lugar — nagsimula siyang magduda.

Hindi nagtagal, napansin niyang nauubos ang pera niya at nawawala ang ilang alahas. Ang tanging nakapupunta sa bahay niya? Si Waldi. Noong Oktubre 31, 2025, nagharap ang dalawa. Kinompronta ni Ernie ang kasintahan, at doon umamin si Waldi na siya ang nagnanakaw ng kanyang mga gamit.

Nauwi ang pagtatalo sa karumal-dumal na krimen. Galit na sinaksak ni Waldi ang kanyang kasintahan. Kahit duguan at humihinga pa si Ernie, patuloy siyang inatake ng pulis hanggang sa bawian ng buhay.

Matapos ang krimen, nilinis ni Waldi ang buong bahay — pinunasan ang mga bakas ng dugo, naligo, at ninakaw ang cellphone, pera, at mga alahas ni Ernie bago tumakas. Kinabukasan, nagpatuloy pa siya sa trabaho at nilibre pa ng tanghalian ang kanyang mga kasamahan, waring walang nangyari.

Nadiskubre ang bangkay ni Ernie nang hindi siya pumasok sa trabaho sa loob ng dalawang araw. Sa kanilang pagpasok, naamoy ng mga kasamahan niya ang masangsang na amoy mula sa bahay. Sa loob ng kanyang kwarto, natagpuan nila ang kanyang wala nang buhay na katawan.

Nagsagawa ng imbestigasyon ang mga pulis at natunton ang iPhone na ninakaw ni Waldi. Sa loob lamang ng isang araw, naaresto siya. Umamin ang pulis sa krimen — sa pagpatay, sa pagnanakaw, at sa pagtatangkang takasan ang kanyang kasalanan.

Sa kasong ito, nahaharap si Waldi sa parusang habambuhay na pagkakulong o bitay dahil sa karumal-dumal na pagpatay sa babaeng nagmahal at nagtanggol sa kanya.

Ang Kwento ni Gabriela “Gaby” Melani: Ang Nurse na Ginamit at Pinatay ng Nobyong Niloko Siya

Si Gabriela Melani, o mas kilala sa tawag na Gaby, ay 23 taong gulang, masayahin, at mapagmalasakit. Lumaki siya sa simpleng pamilya ngunit hindi ito naging hadlang upang abutin ang pangarap na maging nurse. Nakuha niya ang scholarship na nagbigay-daan para makapagtapos ng kolehiyo at makapagtrabaho sa Kiwalok District Health Center.

Doon niya nakilala si Resky Fauzan, isang freelance photographer. Sa una, maayos at masaya ang kanilang relasyon — parehong mahilig sa anime, parehong may pangarap. Ngunit nang tumama ang pandemya, nag-iba ang lahat. Nawalan ng trabaho si Resky, at ginamit niya ito upang magpaawa kay Gaby.

Tuwing mag-uusap sila, idinadahilan niya ang gutom, kawalan ng trabaho, at may sakit daw ang kanyang ina. Dahil sa malasakit, buwan-buwan siyang pinadadalhan ni Gaby ng pera. Ang hindi niya alam — ginagastos lang ni Resky ang pera sa ibang babae na nabuntis niya.

Nang bumalik sa normal ang lahat, sinurpresa ni Gaby ang nobyo sa kanyang boarding house. Ngunit siya ang nasorpresa nang makita ang ibang babae at sanggol sa loob ng kwarto. Tuluyang nagulantang si Gaby. Galit na galit siyang umalis at sinabing ibalik ni Resky ang lahat ng perang ipinadala niya, umabot iyon ng humigit-kumulang ₱70,000.

Kinagabihan, nagkita silang muli upang mag-usap. Pero imbes na maayos, nauwi ito sa gulo. Sa sobrang galit, sinubukan ni Gaby na takutin si Resky gamit ang patalim, ngunit inagaw ito ng lalaki. Sa isang iglap, nagdilim ang kanyang paningin at pinagsasaksak niya ang kanyang kasintahan hanggang sa ito ay mawalan ng buhay.

Tinangkang tumakas ni Resky, ngunit nasaksihan ng ibang tenant ang pangyayari at agad na ipinatawag ang mga pulis. Naaresto siya makalipas lamang ang isang araw. Sa una, iginiit niyang “self-defense” lamang ang ginawa niya, ngunit sa huli, napatunayan ng korte na sinadya niya ang pagpatay.

Nahahatulan si Resky ng 14 na taong pagkakulong, isang hatol na para sa marami ay tila kulang para sa buhay na kanyang kinitil.

Ang Masakit na Katotohanan

Ang mga kwento nina Ernie at Gaby ay hindi lang basta kwento ng pag-ibig — ito ay mga kwento ng tiwala na pinagkatiwala sa maling tao. Sa lipunang tila madaling maniwala sa mga salitang “mahal kita,” paalala ito na ang pagmamahal ay dapat may hangganan, lalo na kung kapalit nito ay sarili mong kaligtasan.

Maraming kababaihan sa buong mundo, kabilang sa Pilipinas, ang nakakaranas ng ganitong uri ng pang-aabuso — emosyonal, pinansyal, at pisikal. Minsan, hindi mo agad makikita ang tunay na motibo ng isang tao hanggang sa huli na ang lahat.

Kung may natutunan sa trahedya nina Ernie at Gaby, ito ay ang katotohanang hindi lahat ng nagmamahal ay marunong magmahal pabalik. At sa mga ganitong kwento, ang tunay na biktima ay laging ang pusong marunong umintindi — ngunit napagsamantalahan ng maling tao.